ਬਲਰਾਜ ਸਿੰਘ ਸਿੱਧੂ
ਕਾਵਾਂਵਾਲੀ ਪੱਤਣ (ਫ਼ਾਜ਼ਿਲਕਾ)
ਹੜ੍ਹਾਂ ਦੀ ਤਰਾਸਦੀ ਨੇ ਜ਼ਿੰਦਗੀ ਦੀ ਗੱਡੀ ਲੀਹ ਤੋਂ ਲਾਹ ਦਿੱਤੀ ਹੈ, ਕੱਲ੍ਹ ਤੱਕ ਆਪਣੇ ਘਰਾਂ ਵਿਚ ਜ਼ਿੰਦਗੀ ਦੀਆਂ ਖੁਸ਼ੀਆਂ ਮਾਣ ਰਹੇ ਲੋਕ ਕੁਝ ਘੰਟਿਆਂ ਵਿਚ ਹੀ ਰਾਹਤ ਕੈਂਪਾਂ ਵਿਚ ਆ ਗਏ ਹਨ। ਅੱਖਾਂ ਵਿਚ ਦਰਦ ਅਤੇ ਮੂੰਹ ਤੇ ਛਾਈ ਚਿੰਤਾ ਦਾ ਦੁੱਖ ਸਾਫ਼ ਝਲਕ ਰਿਹਾ ਹੈ। ਪਿੱਛਲੇ ਦੋ ਦਿਨਾਂ ਤੋਂ ਕਾਂਵਾਵਾਲੀ ਪੱਤਣ ਤੋਂ ਪਾਰਲੇ ਪਿੰਡਾਂ ਦੇ ਲੋਕਾਂ ਨੁੂੰ ਰਿਸਕਿਊ ਕੀਤਾ ਜਾ ਰਿਹਾ ਹੈ। ਪਰ ਮੌਸਮ ਵਿਭਾਗ ਦੀ ਚਿਤਾਵਨੀ ਨੇ ਇਕ ਵਾਰ ਫਿਰ ਲੋਕਾਂ ਸਾਹਮਣੇ ਇਕ ਵੱਡਾ ਦੁਖਾਂਤ ਖੜ੍ਹਾ ਕਰ ਦਿੱਤਾ ਹੈ।
ਹੱਥਾਂ ਵਿਚ ਸਿਰਫ਼ ਤਨ ਤੇ ਪਾਉਣ ਦੇ ਕੱਪੜੇ ਲੈ ਕੇ ਕਾਵਾਂਵਾਲੀ ਪੱਤਣ ਤੇ ਪਹੁੰਚੀ ਕਰਮ ਬਾਈ ਬੇੜੀ ਤੋਂ ਉਤਰ ਕੇ ਇਕ ਵਾਰ ਤਾਂ ਪਿੱਛੇ ਮੁੜ ਕੇ ਦੇਖਦੀ ਹੈ ਕਿ ਉਸ ਨੇ ਅੱਜ ਸਤਲੁਜ ਦਰਿਆ ਪਾਰ ਕੀਤਾ ਹੈ ਅਤੇ ਕਿੰਨਾ ਵੱਡਾ ਡਰ ਦਿਲ ਵਿਚ ਲੈ ਕੇ ਉਹ ਕਿਸ਼ਤੀ ਵਿਚ ਬੈਠੀ ਹੋਵੇਗੀ, ਉਸ ਦੀਆਂ ਅੱਖਾਂ ਕਿੰਨੀ ਦੇਰ ਤੱਕ ਤੈਅ ਕਰਕੇ ਆਏ ਪੈਂਡੇ ਨੂੰ ਦੇਖਦੀਆਂ ਹਨ। ਰਾਹਤ ਕੈਂਪਾਂ ਵਿਚ ਜਿਹੜੇ ਲੋਕ ਪਹੁੰਚ ਰਹੇ ਹਨ, ਉਨ੍ਹਾਂ ਸਾਹਮਣੇ ਵੱਡਾ ਦੁਖਾਂਤ ਹੈ, ਦਿਲ ਵਿਚ ਦਰਦ ਐ ਤੇ ਕੁਦਰਤ ਪ੍ਰਤੀ ਉਲਾਂਭਾ , ਕਿ ਕਿੰਨਾ ਵੱਡਾ ਬਖੇੜਾ ਉਨ੍ਹਾਂ ਦੀ ਜ਼ਿੰਦਗੀ ਵਿਚ ਖੜ੍ਹਾ ਕਰ ਦਿੱਤਾ, ਕਾਵਾਂਵਾਲੀ ਪੱਤਣ ਤੇ ਬੈਠਾ ਲਖਵਿੰਦਰ ਸਿੰਘ ਆਖਦਾ, ਕੁਦਰਤ ਨਾਲ ਛੇੜ ਛਾੜ ਦਾ ਨਤੀਜਾ ਤਾਂ ਸਾਹਮਣੇ ਆ ਗਿਆ। ਮੀਂਹ ਪਹਾੜਾਂ ਤੇ ਵਰਿ੍ਹਆ ਤੇ ਡੋਬ ਮੈਦਾਨ ਦਿੱਤੇ, ਉਹ ਕਹਿੰਦਾ ਕਿ ਕਿਸ਼ਤੀਆਂ ਨਾਲ ਏਨੇ ਲੋਕਾਂ ਨੂੰ ਨਹੀਂ ਬਚਾਇਆ ਜਾ ਸਕਦਾ, ਉਹ ਕਹਿੰਦਾ ਦੇਸ਼ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਇੰਨ੍ਹਾਂ ਲੋਕਾਂ ਨੂੰ ਰਿਸਕਿਊ ਕਰਨ ਲਈ ਜਹਾਜ ਭੇਜਣੇ ਚਾਹੀਦੇ ਹਨ।
ਲਾਲ ਲਕੀਰ ਦੇ ਅੰਦਰ ਰਹਿ ਰਹੇ ਲੋਕਾਂ ਲਈ ਹੁਣ ਸਰਕਾਰ ਦਾ ਆ ਗਈ ਆਹ ਸਕੀਮ
ਉਨ੍ਹਾਂ ਦੀ ਨਜ਼ਰ ਦਰਿਆ ਦੇ ਚੜ੍ਹਦੇ ਵਾਲੇ ਪਾਸੇ ਪੈਂਦੇ ਪਿੰਡਾਂ ਤੇ ਵੀ ਹੈ। ਜਿੱਥੇ ਉਸਦੀਆਂ ਅੱਖਾਂ ਬੰਨ੍ਹਾਂ ਨੂੰ ਹਰ ਵੇਲੇ ਨਿਹਾਰਦੀਆਂ ਹਨ। ਘਰਾਂ ਤੋਂ ਉਜੜੇ ਲੋਕਾਂ ਲਈ ਇਹ ਦਰਦ ਬਹੁਤ ਵੱਡਾ ਹੈ, ਜਿਹੜਾ ਉਨ੍ਹਾਂ ਨੂੰ ਸ਼ਾਇਦ ਜ਼ਿੰਦਗੀ ਭਰ ਨਹੀਂ ਭੁਲੇਗਾ, ਜੇਕਰ ਦੇਸ਼ ਦੀ ਵੰਡ ਵੇਲੇ , ਸਾਰਾ ਕੁਝ ਘਰਾਂ ਵਿਚ ਛੱਡਿਆ ਸੀ ਤਾਂ ਅੱਜ ਕੁਦਰਤ ਦੀ ਕਰੋਪੀ ਨੇ ਵੀ ਸਾਰਾ ਕੁਝ ਘਰਾਂ ਵਿਚ ਛੁਡਾ ਦਿੱਤਾ ਹੈ।
0 comments:
Post a Comment